«Иванова О.А.» хресчен-фермер хуçалăхĕн территорийĕнче «Эконива-Семена» темăпа уй-хир семинарĕ иртнĕ. Мероприяти тĕллевĕ — хальхи йышши агротехнологисен тата вăрлăх тăвас облаçсенчи çĕнĕ çитĕнÿсемпе паллаштарасси. Уй-хир тĕлпулăвне хутшăнакансем вăрлăхсен тулли ассортименчĕпе, тĕрлĕ культурăсем мĕнле çитĕннипе тата вĕсене комплекслă хÿтĕлемелли йĕркепе паллашнă.
Ăслăлăх пĕрлешĕвĕн представителĕсем, селекционерсем, агрономсем, ял хуçалăх производителĕсем куçа-куçăн калаçса тĕрлĕ ыйтусене сÿтсе явнă. Мероприяти хальхи йышши агротехнологи практикисене малашне те ĕçе кĕртсе пырас тĕлĕшпе Вăрмар округĕшĕн пĕлтерĕшлĕ пулнă.
