«Тăван çĕршыв хÿтĕлевçисем» патшалăх фончĕн Чăваш Енри филиалĕ асăрхаттарнă тăрăх, юлашки вăхăтра усал шухăшлă çынсем ятарлă çар операцийĕн ветеранĕсене тата вĕсен çемийсен членĕсене улталама хăтланас тĕслĕхсем нумайланнă. Ытларах чухне ултавçăсем тÿлевсем, патшалăх наградисем парас ыйтусемпе шăнкăравлаççĕ.
Çав тери асăрхануллă пулмалла! Социаллă координаторсем СМСпа е электрон почтăпа килекен кодсене, СНИЛС е паспорт номерне нихăçан та ыйтмаççĕ. Иккĕленетĕр пулсассăн çийĕнчех хăвăрăн социаллă координатора МАХ мессенджерта çырмалла е шăнкăравламалла.
